Aitziber Urkiolak Mutrikuko Herri-krosa bereganatu zuen aurreko asteburuan
2022/11/03
10:27
eta kitto!
JAZ Eibar Triatloi Taldeko ordezkariak Mutrikuko Herri-krosaren 19. edizioa irabazi zuen Markina-Xemeingo Lide Azkue eta Durangoko Ariane Mendiberen aurretik helmugaratuta. Guztira 71 atleta izan ziren parte hartzen aipatutako 10 kilometroko proban eta gizonezkoetan Koldo Ayesa gasteiztarra izan zen onena, 33 minutu eta 35 segundoko denborarekin, Azkoitiko Jokin Sudupe eta Getxoko Gorka Blascoren aurretik.
