ETA KITTO
Atzo arratsaldean egin zieten harrera udaletxean Eibar Rugby Taldeko emakumezkoen senior taldekoei, Erreginaren Kopa irabazi eta gero. Talde txapeldunari udaletxearen sarreran harrera egin eta, jarraian, pleno aretoan egin zen ekitaldian Udalaren errekonozimendua jaso zuten, eskuratu berri duten garaipenarengatik. Udal ordezkarien aitortza jaso ondoren, udaletxeko balkoira irten ziren, kopa eta guzti, zaletuekin batera ospatzera.
