Eibar Eskubaloia lidergoan sendo Bidasoari irabazi ondoren

0    Kirolak 
ETA KITTO ETA KITTO
Eibar Eskubaloia lidergoan sendo Bidasoari irabazi ondoren
ETA KITTO 2022, Urt 24

Arrate Eibar Eskubaloiak 25-33 irabazi zion atzo Il Capo Hondarribia Bidasoari, 1. Nazional Mailako 15. jardunaldian. Lidergoan sendo jarraitzen dute Fernando Fernandezen mutilek, bigarren sailkatuari sei puntuko aldea ateraz.

Lehen zatia parekatua izan zen Bidasoa talde indartsuaren aurka, baina bigarren zatian eibartarrek nagusitasuna erakutsi zuten eta markagailuan aldea irekitzen joan ziren azken emaitza lortu arte. Jokalarien aldetik, Mikel Zuloaga eta Asier Urain bikain aritu ziren, bakoitzak sei golekin garaipena lortzeko lan ederra eginez.

Gizonezkoen senior taldeak bigarren itzuliari ekingo dio orain eta Asfaltos Redondo Solozabal taldeari bisita egingo dio asteburuan.

 

Emakumezkoen berdinketa

Emakumezkoen senior taldea, bestetik, ezin izan zuen garaipena ekarri, 24-24 egin baitzuen Irauli Bosteko taldearen aurka. “Denboraldiko partidurik kaskarrena izan da”, adierazi zuen Andoni Perez entrenatzaileak partidu amaieran. Bere iritziz, “taldea ez da eroso sentitu partiduan eta akats dezente egin ditugu, erasoan batez ere”.

Amaia San Martin bost golekin eta Maitane Velasco lau golekin izan ziren eibartar onenak erasoan. Eibartarrek Ameztoi Zarautzen aurka itxiko dute lehen fasea, asteburuan, Ipuruan.

 

Harrobiari begira, honako emaitzak lortu dituzte Eibar Eskubaloiako taldeek:

  • Jubenil neskak Usurbil 13-36 Arrate Eibar Eskubaloia  Ipurua
  • Jubenil neskak Soleto Bus Basauri 16-18 Arrate Eibar Eskubaloia  Ipurua
  • Jubenil neskak Arrate Eibar Eskubaloia 24-21 Lacturale Bera Bera  Ipurua
  • Jubenil mutilak Arrate Eibar Eskubaloia 31-28 Loyola Indautxu  Urnietako Udal Kiroldegia
  • Jubenil mutilak Herreria Bidebieta Bera Bera 22-24 Arrate Eibar Eskubaloia  Jesuitak Kiroldegia
  • Jubenil mutilak Arrate Eibar Eskubaloia 29-19 Urnieta Guria Jatetxea  Miguel A. Blanco udal kiroldegia, Ermua
  • Kadete neskak San Adrian B 14-26 Arrate Eibar Eskubaloia  Urdaneta Kiroldegia, Loiu
  • Kadete neskak Arrate Eibar Eskubaloia 30-21 Aiala ZKE  Ipurua
  • Kadete neskak Urdaneta F 18-26 Arrate Eibar Eskubaloia B Aritzbatalde kiroldegia, Zarautz
  • Kadete neskak Sukia Orio 21-25 Arrate Eibar Eskubaloia B  Karela Kiroldegia, Orio

 

  • FJ2sWiKWUAAB7ql

Gaiarekin zerikusia duten albisteak

« »