Eibar FT garaile Malagan aurre egin behar dion atsedenik gabeko astean

Atzo Malagan Quiquek sartutako golak eta, atzean hainbeste baja izanda, inolako golik ez hartzea indar berezia eman ahal dio Eibarko taldeari aste honetan izango duen erronkari aurre egiteko. Eibar FT-k 21. minutuan lortu zuen gola eta izan zituen beste aukera batzuk ere bigarena lortzeko; bigarren zatian, bestalde, joko trinkoa erakutsiz, estutasunik gabe heldu zion markagailuari. Merezimenduzko hiru puntu horiekin, Garitanorenak sailkapeneko postu gorenetara hurbildu dira eta play-offetako postuetan dutugu honezkero.

Baina ez dago atseden hartzeko denborarik, etzi Lugo izango baita bisitari Ipuruan 19:00etatik aurrera. Eguazteneko partidu horretarako, gaur goizean aritu dira eibartarrak Atxabalpen eta bihar egingo dituzte azken prestakizunak toki berean, baina arratsaldez, 17:00etan hasita. Ipuruako partiduaren ondoren, eibartarrek goiko postuetarako partidu garrantzitsua jokatu beharko dute Kanariar Uharteetan, Las Palmas gaur egungo liderra (Alavesekin berdinduta) izango baitute aurkari domekan, 17:30etik aurrera.