Eibar FT-k garaipena lortu behar du gaur ligan bizirik jarraitzeko

0    Kirolak 
ETA KITTO ETA KITTO
Eibar FT-k garaipena lortu behar du gaur ligan bizirik jarraitzeko
ETA KITTO 2021, Api 22

Eibar FT-k taldeak Granadaren etxean jokatuko du gaur, 21.00etan. Hil ala biziko partidua izango da Mendilibarrentzat, garaipena lortu ezean ia mirari bat behar izango duelako Lehen Mailari eusteko. Gorriurdinak sailkapenaren azken postuan daude eta bost puntutara dute salbazioa.

Eibarrek 14 partidu daramatza garaipena lortu gabe eta hondoa jo du sailkapenean. Gainera, Atletico de Madridek jipoitu egin zuen azkenengo partiduan, 5-0eko emaitzarekin.

Mendilibarrek Bryan Gil berreskuratu du Granadaren aurkako partidurako eta Sergi Enrich laga du etxean arrazoi teknikoengatik, eta Muto, Correa, Expósito eta Bigas arazo fisikoengatik.

 

Gaiarekin zerikusia duten albisteak

« »