Eibar FT-k Rayo Vallecano hartuko du bihar arratsaldean

Eibar FT-k Rayo Vallecano hartuko du bihar arratsaldean
2021/03/26 eta kitto!
Azkenaldian puntu gutxi eskuratu dituzte Dorronsororen neskek eta atzetik datozen taldeak asko gerturatu zaizkie sailkapenean. Aurkari gogorrenekin jokatu ondoren, orain eibartarren borroka berean sartuta dauden taldeak izango dituzte aurrez-aurre beharrezko dituzten puntuak lortzeko helburuaz.

Aurreko asteburuan Unben Espanyolekin 0-1 galdu eta gero, oraingoan eibartarren puntu berberak dituen Rayo Vallecano izango da aurkaria, hau ere Unben jokatuko den norgehiagokan. Partidua bihar jokatuko da, arratsaldeko 17:00etan hasita, eta lasaitasun pixka bat lortu dezake garaileak.