ETA KITTO
Imanol Garcia de Albenizek Akilesen tendoia apurtu ondoren denboraldi osoa galduko duenez, Eibar KE-k beste jokalari bat fitxatzeko aukera du eta Daniel Lasure gehitu du taldera. Aragoiko jokalariak bi asteko probaldia egin beharko du eta, teknikariek jokatzeko moduan dagoela erabakitzen badute, denboraldi amaieraraino fitxatuko du.
Lasurek Real Zaragozaren harrobitik irten zen eta Aragoiko klubaren lehen taldean aritu ondoren, Tenerifen eta Leganesen ibili da utzita. 2023ko urtarrilaren 4an, ostera, kontratua eten zuen Zaragozarekin eta, libre zegoenez, Eibarrekin fitxatzeko aukera eduki du.
???? OFICIAL. Daniel Lasure, nuevo jugador del Eibar. Es lateral izquierdo y tendrá un periodo de prueba de dos semanas.#BetiArmaginak⚔️
— SD Eibar (@SDEibar) February 23, 2023