ETA KITTO
Gure herriko emakumezkoen lehen taldeak FER Kopako bigarren partidua jokatuko du etzi Unben, goizeko 11:30ean hasita, Getxo aurkari duela. Unbeko zelaia homologatu gabe zegoela-eta, txapelketa horretako lehenengo neurketa Ordizian jokatu behar izan zuten eibartarrek eta, bertan Burgosko Las Pingüinas 27-19 taldeari irabazita, oraingoan etxean jardungo dute bigarren garapenaren bila, Unbek homologazio guztiak jaso ondoren.
Lau multzotan banatuta dagoen FER Kopa txapelketa berrian, eibartarrenean eurekin batera Ohorezko A Mailan jokatzen duen CRAT A Coruña eta Ohorezko B Mailako Las Pingüinas eta Getxo daude. Beraz, eibartarrak irabazteko faboritoak izango dira oraingoan ere.
Bestalde, Nerea Garcia Eibar Rugbyko hirugarren lerroa Espainiako selekzioarekin dago kontzentratuta Dubain WXV3 torneoa jokatzeko; hor Kenia izango dute lehenengoko aurkari.