ETA KITTO
Barixaku honetan, irailaren 1ean, Eibar Rugby Taldeak prestatutako ate irekien bigarren saioa egingo dute Ipuruako Anexoko zelaian. Aurreko asteko barixakuan, abuztuaren 25ean, izan zen lehen saioa eta bigarren honek ere ordutegi bera izango du: 17:15ean hasi eta 18:30ean amaitzeko. Ate irekiak 2010 eta 2015 urteen artean jaiotakoentzat dira, duten maila edozein izanda ere, eta doanekoak gainera. Jardunaldian errugbiko baloiak eta kamisetak zozketatuko dira parte-hartzaileen artean.