Eibar Rugby Taldeko neskei 2018-2019 denboraldian egindako lan gogorra aitortu diete gaur udaletxean
2019/06/03
eta kitto!
Gaur arratsaldean Eibar Rugby Taldeko neskei harrera egin die Miguel de los Toyos jarduneko alkateak udaletxeko pleno aretoan, 2018-2019 denboraldi bikainean lortutakoagatik zorionak eman eta, egindako lan gogorra aitortzeko. Errekonozimendu modura, alkateak Alfa Arten egindako brontzezko eskultura eman dio taldeari eta, aurrera begira, orain arteko bidetik jarraitzeko animoak eman dizkie neskei.
