Eibar Rugbyk denboraldiko lehen garaipena bilatuko du domekan Unben

Eibar Rugbyk denboraldiko lehen garaipena bilatuko du domekan Unben
2022/11/25 eta kitto!
Ohorezko Mailan jokatzen duen Eibar Rugby Taldeak beste aukera bat izango du aurretik, gertu izanda ere, lortu ez duen garaipena eskuratzeko. Arratsaldeko 16:00etan hasiko den partiduan sailkapenean justu aurretik duen Complutense Cisneros Madrilgo talde handia izango du aurkari. “Inoiz baino gogo gehiagorekin eta helburu argi batekin, hau da, lortutako talde-kohesioa aprobetxatuz puntuak lortzea”: hori da eibartarren asmoa. Aurreko denboraldietan jokatutako euren arteko partiduetan madrildarrak beti izan dira irabazle; ordua da, beraz, martxa hori hausteko. Eibar Rugbytik zaletuak animatu nahi dituzte Unbera igotzera. Horretarako, autobusa egongo da 15:00etan eta, aurretik, 13:00etatik aurerra, bazkaria eta edaria izango da Guridi Rugby tabernan, Untzagan giro berezia sortzeko.