Eibarko Txirrindulari Elkartea Sariaren bosgarren edizioa jokatuko da domekan

Eibarko Txirrindulari Elkartea Sariaren bosgarren edizioa jokatuko da domekan
2022/05/26 eta kitto!
Kadeteen mailako lasterketa horretako bosgarren edizioa Azitaingo errotondatik abiatuko da etzi goizean, 10:30ean, eta handik ordu eta erdira pasatxo amaituko da Urkizu pasealekuan kokatuko den helmugan. Parte-hartzaileek 68 kilometroko ibilbidea osatu beharko dute, Eskoriatzaraino joan eta, han buelta emanda, Arrasaterantz jotzeko, ondoren San Prudentzioko errotondan Oñatirako bidea hartzeko. Behin Zubillaga auzoan, Fagor-eko errotondan biratuko dute eta zuzenean joko dute helmugaren bila, berriro San Prudentziotik pasatuta. Lehenengoak 12:12ean bueltan Urkizuko helmugan izatea aurreikusten dute antolatzaileek.