ERT-ko Agueda Pis eta Eider Garcia Espainiako 20 urtez azpiko selekzioarekin jokatzeko deitu dituzte

Espainiako 20 urtez azpiko hamabosteko errugbiko taldearen historiako lehen deialdian sartu dituzte Eibar Rugby Taldeko Agueda Pis eta Eider Garcia. Selekzioak Italiaren aurka jokatuko du zapatuan, 13:00etan, Sant Boiko (Bartzelona) Baldiri Aleu zelaian.

Aroa Gonzalez da sortu berri den taldearen entrenatzailea. Espainiako selekzioarekin neurketa gehien jokatu duen errugbilaria da Gonzalez eta gogotsu ekin dio erronka berriari: “Bazen ordua (taldea sortzeko). Orain dela hainbat urte zen beharrezkoa belaunaldi aldaketa egiteko”.

Argazkia: Eibar Rugby Taldea