Ezkurdia prest dago domekan Astelenan Jakari aurre egiteko
2023/04/14
09:27
eta kitto!
Joseba Ezkurdia Aspeko aurrelariak pozik amaitu zuen atzo Astelena frontoian bertan egindako azken entrenamendua eta, esan zuenez, ondo ikusten du bere burua buruz-buruko txapelketa nagusiaren finalerdietako lehenengo jardunaldian Erik Jaka Baikoko pilotariari aurre egiteko.
Domekako pilota jaialdia oso berezia izango da, binakako partidurik ez delako izango bertan: jokatuko diren hiru partiduak buruz-burukoak izango dira, bi promozio mailakoak eta aipatutako lehen mailakoa. Betiko lez arratsaldeko 17:00etan hasiko den jialdian, hasteko Zabala eta Salaberriaren artekoa jokatuko da; jarraian, jaialdiko partidu nagusian, Jakak eta Ezkurdiak neurtuko dituzte indarrak; eta, amaitzeko, Egiguren V eta Exposito izango dira, nor baino nor.
Jaialdiaz gozatzeko sarrerak salgai daude dagoeneko www.entradasfronton.com web-ean. Hori bai, jaialdia Euskal telebistak ere eskainiko du zuzenean.
