Fabian Castro hirugarren Espainiako Mushing Txapelketan

Fabian Castro eibartarrak hirugarren postuan amaitu zuen Olvegan (Soria) jokatu zen Espainiako Mushing Txapelketa, DBM proban. Castrok lehia bizia izan zuen Daniel Arterorekin eta Marc Alonsorekin, lehen eta bigarren sailkatuak hurrenez hurren, baina ezin izan zituen garaitu eta brontzezko dominarekin itzuli zen etxera. Emaitza handia kirol horretan gero eta pausu sendoagoak ematen diharduen eibartarrarentzat.