Hodei Ezpeleta hilaren 26an jokatuko den Urrezko Aizkorako finalerako sailkatu da

0    Kirolak 
ETA KITTO ETA KITTO
Hodei Ezpeleta hilaren 26an jokatuko den Urrezko Aizkorako finalerako sailkatu da
ETA KITTO 2023, Ots 13

Gure herriko aizkolariak, Jokin Urretabizkaia “Basozabal” lagun zuela, otsailaren azken domekan Urrestillan jokatuko den Urrezko Aizkora Txapelketarako azken txartela eskuratu zuen atzo Oñatin jokatutako kanporaketan. Aipatutako final horretan, Hodei Ezpeleta “Bihurri” eta Basozabalekin batera, honako beste hiru bikotek hartuko dute parte: Mikel Larrañagak eta Txomin Amundarainek osatutakoa alde batetik, Julen Alberdi “Txikia IV”-ak eta Ioritz Gisasola “Zelai IV”-ak osatzen dutena bestetik, eta Iker Vicente eta Jon Rekondok osatuko dutena azkenik. Atzoko Oñatiko saio berean lortu zuen ere hilaren 26rako azken txartela Xabier Olaizolak, azken horrek Urrezko Harrijasotzaile Txapelketarako. Urrestillan jokatuko den finalean izango dira, berarekin batera, aurretik sailkatutako Mikel Lopetegi “Urra” eta Paulo Azpiazu.

Gaiarekin zerikusia duten albisteak

« »