Sanandresek urteroko hitzordua izango dute bihar Katedralean, jaialdi bikainarekin

0    Kirolak 
ETA KITTO ETA KITTO
Sanandresek urteroko hitzordua izango dute bihar Katedralean, jaialdi bikainarekin
ETA KITTO 2021, Aza 29

Altuna-Martija eta Ezkurdia-Tolosa bikoteen arteko binakako txapelketa nagusiaren partidua izango da biharko jaialdiko neurketa nagusia. Hala ere, aurretik eta atzetik jokatuko diren beste norgehiagoka biek ere badute interes puntua: 17:00etan hasiko den jaialdian Elordi eta Ladis Galarza Peio Etxeberria eta Bikuñaren aurka izango dira, nor baino nor, eta azken partiduan Dario eta Oier Etxebarria eta Salaberria eta Erostarbe bikoteen artekoa jokatuko da. Partidu nagusiak indarrak neurtuko dituzten bikote biak galtzaile izan ziren binakako txapelketaren lehenengo jardunaldian eta txapelketa horretarako lehenengo puntua irabazten saiatuko dira. Jaialdi bikain horretaz gozatzeko sarrerak entradasfronton.com web-ean erosi daitezke. Jaialdia ez da telebistaz eskainiko. Beraz, pilotaz gozatzea nahi duenak badaki: Katedralean aukera bikaina izango da biharkoan, zuzen-zuzenean jaialdia jarraitzeko.

Gaiarekin zerikusia duten albisteak

« »