Simon Aldazabal Sariaren 25. edizioa jokatuko da urriaren 4an

0    Kirolak 
ETA KITTO ETA KITTO
Simon Aldazabal Sariaren 25. edizioa jokatuko da urriaren 4an
ETA KITTO 2020, Ira 25

Betiko moduan, korrikalariek Depor paretik irtengo dute eta Arratera Orbeko pistatik igoko dira. Oraingoan, dena dela, COVID-19aren eraginez hainbat arlo aldatu dituzte; horrela, irteera txandakatuta egingo dute, 15 segunduro hirukote bat abiatuz. Eta muga 100 parte-hartzailetan ezarri dute, normalean hainbestek ez badute ere parte hartzen. Gainera, sailkapena egongo bada ere, lehenengoentzat izaten diren sarien ordez aurten guztiek 25. urteko oroigarria jasoko dute. Izen-ematea, bestalde, doan bada ere, aurretik egin beharko da Klub Deportiboan; horretarako bost egun gorde dituzte (irailaren 25, 26, 29 eta 30 eta urriaren 1a), 17:30etik 21:30erako ordutegian. Dortsalak urriaren 2an eta 3an jaso ahal izango dira, aipatutako ordutegi berean. Lasterketa goizeko 10:30ean hasiko da lehen hirukotearentzat eta ibilbidea betikoa izango da, Arrateko zelaira heltzeko bost kilometro eta erdi egin eta gero.

Gaiarekin zerikusia duten albisteak

« »