Urbat Urkotronik motorrak berotzen ari da 2. mailara igotzeko faseari begira
2023/04/13
10:49
eta kitto!
Liga erregularreko azken partiduan gehiegizko lasaitasunez hartu zuen neurketa Urbateko senior mailako talde nagusiak eta gol askoko partidua ikusi ahal izan zen Orbeako igerilekuan. Eibarko taldea 18-13 nagusitu zitzaion Waterpolo Navarrari defentsan tentsiorik gabeko norgehiagokan. Kadete mailako Urbatek, bestalde, Ligako finalerdietan sartzeko aukera ematen dion garaipena lortu zuen Waterpolo Donostiren aurrean (7-3). Azkenik, emakumezkoen senior mailako Ligari zegokion neurketan, Urbatekoek 7-15 galdu zuten WP9802 taldearen aurrean; dena dela, eibartarrek ondo baliatu zuten aukera, lehen Naroa Hernandezi bezala, oraingoan Ane Alberdi gazteari minutuak eskaintzeko senior taldean.
