“VI urte primeran” jaialdia egingo du gaur Eibar Foball Taldeak Untzaga plazan

0    Kirolak 
CDwes76
“VI urte primeran” jaialdia egingo du gaur Eibar Foball Taldeak Untzaga plazan
ETA KITTO 2019, Mai 19

Azken urteotako martxan, Eibar foball taldeak Lehen Mailan jokatzen jarraituko duela ospatzeko jaialdia antolatu dute.  2019-20 denboraldia Eibarko taldearen seigarrena izango da lehen mailan. Eta horrek ondo ospatzea merezi duelako, igande berezia izango da gaurkoa  taldearen jarraitzaileentzako eta herritar guztientzako. Ekitaldiak arratsaldean izango dira, Ipuruan 16:15ean hasiko den Bartzelonaren kontrako partidua amaitu eta jarraian. Zelaira joandako zaletuekin batera denboraldiaren amaiera ospatu eta gero, jaiak Untzagan izango du jarraipena: 18:30etik 19:30era Egoitz Txurruka mallabitarrak (DJ Txurru) jardungo du musika ipintzen. Eibar foball taldeari omenaldia, berriz, 19:30etik 20:00etara bitartean egitea dago aurreikusita eta, jarraian, Gatibu taldearen kontzertua hasiko da (20:00etatik 21:00etara). Hori amaitzean ordu erdiko etena izango du jaiak, eszenatokia aldatzen duten bitartean, eta 22:00ak aldera bigarren kontzertua eskainiko dute Su Ta Gar taldekoek, 23:30ak arte. Eta domeka izan arren, jaia luzatu nahi dutenentzat, DJ Txurruk jardungo du musika eskaintzen, 01:30ak arte.

 

 

Gaiarekin zerikusia duten albisteak

« »