54. Euskal Jaiaren aurkezpena egin dute gaur arratsaldean Klub Deportiboan

0    Jaiak, Kultura 
ETA KITTO ETA KITTO
54. Euskal Jaiaren aurkezpena egin dute gaur arratsaldean Klub Deportiboan
ETA KITTO 2019, Mai 02

Gaur arratsaldean aurkeztu dute Klub Deportiboan datorren asteburuan ospatuko den 54. Euskal Jaiaren egitaraua. Antolatzaileek azaldu dutenez, “aurtengo berezitasun nagusietakoa kartela bera litzateke, Klub Deportiboari eta Euskal Jaiari horrenbeste urte eskaini zizkion Fernando Abanzabalegiren argazkia ipinita keinu bat egin nahi izan iaz hil zen lagunari”. Bestalde, beste urte batzuetan baino lehenago ospatuko da Euskal Jaia oraingoan, “hauteskundeak eta foballa tartean, maiatzeko azken asteburutik bigarrenera aurreratu behar izan dugu eta”. Bestalde, urtero lez kantu-afaria (zapatuan 21:30ean) eta herri-bazkaria (domekan 14:30ean) egingo dira, Untzagako karpan, bertoko baserrietako produktuekin osatutako menuarekin eta Deporren txartelak salgai daudela gogorarazi dute, 12 eurotan “langile eta dirua dutenentzat” eta 10 eurotan, berriz, ume, ikasle eta langabetuentzat. Egitaraua hilaren 8an hasiko da, Portalean eskeiniko den ‘Erraiak’ dokumentalaren emanaldiarekin, baina ekitaldi gehienak asteburuan, maiatzaren 10etik 12ra bitartean izango dira. EGITARAU OSOA JARRAIAN:

54. EUSKAL JAIA EIBARREN

 MAIATZAK 8, EGUAZTENA

ERRAIAK dokumentalaren aurkezpena eta proiekzioa, zuzendariarekin. Portaleko areto nagusian, 19:00etan (sarrerak 3 euro balio du). Arrate Kultur Elkartearen eskutik.

MAIATZAK 10, BARIXAKUA

KALIAN JOLASIAN

Euskal Jaiaren barruan, 17:00etatik aurrera, 5-8 urte bitarteko haurrek eta gurasoek Eibarko Bizikleta Plazan jolasean aritzeko aukera izango dute. Ekitaldia 17:00etan hasi eta 18:30ak inguruan amaituko da. Astixako begiraleak han egongo dira, umeekin jolasteko prest. Jolasak amaituta hasiko den Zunbalainen emanaldian dantza egiteko aukera izango da. Udaleko Euskara eta Gazteria sailaren eskutik.

EUSKAL JAIKO JAIALDIA

Kontzertua, arratsaldetik gauera arte, Untzagako karpan.

20:15-21:45: CLOVERWIND

23:00-00:30: EGURRA TA KITTO

01:00-03:00: MUGI PANDEROA

 

MAIATZAK 11, ZAPATUA

GOIZEAN ARTISAU ETA BASERRITARREN AZOKA, 10:00etatik 14:00etara, Toribio Etxebarria kalean. Eibart elkartearen, Eibarko baserritarren eta Debemenen eskutik.

Artisauak: Kilikilima-bisuteria 
; Hartara-ehuna ;
 Ahiztak-ehuna; 
Eskulan-bisuteria; Calmada-ehuna; Barti-Zeramika; Eskusutxo-bisuteria; M Bascaran-bisuteria; Igor Unanue-Txalapartak; Ana Mosalula-kosmetika; E Unzalu-Bitxigintza; Darama-Bitxigintza; Pott-Zeramika; Leoandlilo-ehuna; Itxasloo-ehuna; Alex&Quin-ehuna; Eguzkilore-bisuteria; Eskuz-larrua; Larruzko eskuak-larrua; Maison Dufrexe-pateak; Chigininas-Brotxeak; Kapritxoskris-kopinak; Hazitahezi-ehuna; Dabida-Papel matxe; eta Nonarte-Bitxigintza. Saskigintza tailerra Arrate Lizarralderekin.

Baserriak: MANDIOLA GAINEKUA -LOIXOLA -MENDIGOITXI –ZELAIKUA- GISASOLA-SOSOLA eta EGOTZA (Soraluze).

GOIZEAN, HERRI-KIROLAK + BERTSOLARIAK

Herri Kirolariak, herritarren eta eskolen arteko lehiaketa bertsolari gazteekin animatuta.

Herri kirolariak: Jon Loiola, Garbiñe Lopez de Uralde, Ruth Linaza eta Tubi (lastoa jaso,ingudea eta trontza).

Umeendako jolasak: Lastoa botatzea eta lokotz biltzea

Eskolen arteko lehiaketa

Bertsolariak: Gorka Pagonabarraga eta Bittor Altube

Esataria: Gabixola

Goiz osoan zehar TALOPOSTUA, Gure Esku Dago ekimenaren eskutik. Dena Toribio Etxebarria kalean. Kale animazioa kaleetan zehar Eibarko trikitilari gazteekin.

ARRATSALDEAN, EIBARKO MUSIKA BANDAREN EUSKAL JAIKO KONTZERTUA

Arratsaldeko 19:00etan, Untzaga plazan

−  Jostallu -Martxa -Luis Eemparan

−  El Caserio – Bilduma- J. Guridi

−  Basque Rhapsody – Rapsodia – Melvin Shelton

−  Rapsodia Vasca – Rapsodia -V. de Beobide

−  Betikoskorri -Medley -I. Urkizu −

TRIKIPOTEOA

Arratsaldeko 19:30etatik 21:30etara, karpatik abiatuta. Eibarko trikitilari gazteekin.

KANTU AFARIA

Afari ederra, Eibarko eragileak kantuka eta erromeria paregabea, Untzagako karpan, gaueko 21:30etan.

21:30-23:00: Afaria

23:00-01:00: Kantuak taldeka

01:00-03:00: Erromeria

Elkarte gastronomikoen eskutik, bertako baserrietako produktuekin. Sarrerak salgai Klub Deportiboan (12/10 eurotan).

 

MAIATZAK 12, DOMEKA (DENOK BASERRITAR JANTZITA!)

12:00: EUSKAL JAIKO KALEJIRA, Urkizutik Untzagaraino: Dantza ikuskizuneko talde guztiak, gaiteroak, joaldunak, Eibarko, Musika Eskolako eta Jainagaren eskolako trikitilariak. Baita Euskal Jairako elkartu den aspaldiko txistulari talde ederra ere.

12:30: EUSKAL JAIKO DANTZA JAIALDIA. Untzaga plazan jubiletxe aldean. Parte-hartzaileak: Iruñeko Duguna 
eta Eibarko Kezka.

14:30: HERRI BAZKARIA Untzagako karpan. Elkarte gastronomikoen eskutik, bertako baserrietako produktuekin. Sarrerak salgai Klub Deportiboan (12/10 eurotan).

Elkarte gastronomikoak: Alferrak, Asolaberri, Behartsua, Bide Alde, Bomba, Botellin, Denon Sahatsa, Dorrepe, Gaste gogor, Ipurua, Otarra, Kamarroak, Legarre Gain, Ondo Nahi, Ospelak, Txirixo, Unbe, Unzaga, Urkusu Gain, Zatixa eta Zazipe.

Ekimenak dauden bitartean barra egongo da karpan, Batukada Feministaren eskutik.

17:00: ERROMERIA Gathubi taldeko musikariek eta Josu Garatek gidatuta. Untzaga plazan (jubilatu etxeko aldean).

19:00: LARRAIN-DANTZA popularra, Untzaga plazan.

19:30: FERNANDO ABANZABALEGIri omenaldia DEPORTIBO parean: musika, dantza eta bertsoak + LARRAIN-DANTZA popularra.

(Euria egingo balu, Astelena frontoian izango lirateke ekitaldiak).

Gaiarekin zerikusia duten albisteak

« »