‘Adela eta Martirio Bernarda Albaren etxean’ antzezlana sortu du Naita Produkzioak taldeak

‘Adela eta Martirio Bernarda Albaren etxean’ antzezlana sortu du Naita Produkzioak taldeak
2020/11/03 eta kitto!
Naita Produkzioak antzerki-talde eibartarrak ‘Adela eta Martirio Bernarda Albaren etxean’ antzezlana aurkeztuko du azaroaren 6an, barixakuan, Errekaldeko Udal Zentroan, Bilbon. Irene Hernando eta Nerea Ariznabarreta dira antzezlaneko protagonistak, Bernarda Albaren alaba biren azalean jarriz, eta Saioa Iribarren da zuzendaria.

Bilboko saioaren ondoren, hilaren 18an Elgoibarko Herriko Antzokian egongo dira, 22an Elgetako Espaloia Kafe Antzokian, 24an Eibarko Coliseoan, eta 23an eta 25ean Errenteriako Niessen Aretoan.