Andoni Agirrezabal arituko da irakurleekin solasean biharko Harixa Emoten tertulian
2023/05/22
16:48
eta kitto!
Bihar, martitzena, 19:00etan hasiko den “Idazlearekin harixa emoten” irakurle taldearen saioan Andoni Agirrezabal idazleak hartuko du parte, "Etxe berdea" liburuari buruz berba egiteko. Juan San Martin Eibarko Udal Liburutegiak …eta kitto! Euskara Elkartearekin elkarlanean antolatutako jarduera Portalean, 3. solairuko ikastaro gelan izango da eta saioa Ainhoa Aldazabalek zuzenduko du. Beti bezala, liburuari buruzko galderak edo iruzkinak egiteko aukera izango dute irakurleek.
