Baserritarren lana eta bizimodua kaletarrei gerturatzeko argazki erakusketa ipini dute Untzagan

0    Kultura 
ETA KITTO ETA KITTO
Baserritarren lana eta bizimodua kaletarrei gerturatzeko argazki erakusketa ipini dute Untzagan
ETA KITTO 2020, Aza 27

Baserritarren bizimodua eta lana nolakoa den erakusteko argazkiak ipini dituzte gaur goizean Untzagan, jubilatu etxearen fatxadan eta harmailetan. Hamar argazki dira guztira, handiak (2×2 metro) eta horien egilea Gema Arrugaeta argazkilari profesionala eta Gaittun elkarteko kidea da. Herririk herri dabilen kaleko erakusketa Eibarko Udalak antolatu du, Debemen Debabarreneko landa garapen elkartearen laguntzarekin, eta gaurtik hasita datozen hamar egunotan egongo da martxan. Jarduera honekin baserritarren bizimodua kaletarrei gerturatzea da asmoa eta, bide batez, baserritarrei keinu modukoa egin nahi diete. Izan ere, COVID-19ak eragindako osasun larrialdia dela-eta, aurten ezin izango da San Andres azokarik egin ezta jairik ospatu, baina argazkiei esker baserria,herriko plazaraino ekarriko digute, irudi bitartez besterik ez bada ere.

IMG20201127135304 IMG20201127135311 IMG20201127135318

Gaiarekin zerikusia duten albisteak

« »