Domeka arratsaldean izango da txistulari taldearen Santa Zezilia kontzertua Errebal Plazan
2021/11/19
eta kitto!
Usartza Txistulari Taldekoek domekan egingo dute Santa Zezilia kontzertua, 19:00etan Errebal Plazan. Txistulariekin batera Musika Eskolako txistu ikasleak, metal boskotea eta perkusioa arituko dira eta Kezkako dantzariek eta Jon Martinez abeslariak ere hartuko dute parte, honako egitarauarekin: “Santa Cecilia”, “Agurra”, “Antzineko Minuetoa”, “Ohorezko kontrapasa”, “Luzaideko dantzak”, “Txalo polka”, “Habanera del Guria”, “El puente sobre el río Kwai”, “Negua joan da ta”, “Arrate” eta “Lizarra”.
