Eibar BHIko ikasleek maiatzaren 4an estreinatuko dute GEZURRAK musikala, Coliseo antzokian

0    Kultura 
ETA KITTO ETA KITTO
Eibar BHIko ikasleek maiatzaren 4an estreinatuko dute GEZURRAK musikala, Coliseo antzokian
ETA KITTO 2022, Api 26

Eibar BHI ikastetxeko ikasleek ikuskizun musikala prestatzen dihardute eta jendeaurrean aurkeztuko  dute maiatzaren 4an, Coliseo antzokian, 19:00etatik aurrera. Lanaren izena “Gezurrak” da eta zuzendari lanetan Andrea Covadonga aktore eibatarra aritu da. Sarrerak Coliseoko ohiko salmentaren bidez eskuratu daitezke apirilaren 29tik aurrera, 5 eurotan..

Eibar BHI Guraso Elkartearen ekimenez sortu zen musikalaren proiektua. Ikastetxeak  egitasmoa bere egin, eta musikala prestatzeko tailerra egiteko aukera eskaintzen die ikasleei Hauspoa programaren barruan. 2018an (Isaskara) eta 2019an (Beldurrak) eskainitako emanaldietan arrakasta handia izan zuen musikalak. Aurten, bi urteko etenaren ondoren, berriro taularatuko da antzokian; oraingoan “Gezurrak” ikuskizuna eskainiko dute.

Ikasturtean zehar  Andrea Covadonga antzezlearen gidaritzapean ikasleak gogoz aritu dira dantza, kantak, interpretazioa, koreografia eta gidoia lantzen. Lan horren emaitza ikusgai izango da datorren astean, maiatzaren 4an, 19:00etan, Coliseo antzokian. Egitasmo honek Eibarko Udalaren babesa du.

Gaiarekin zerikusia duten albisteak

« »