ETA KITTO
Urteko egitarauari agur esango dio Eibarko Musika Bandak domekan, 12:30ean, Coliseo Antzokian. Andoni Vazquezek zuzentzen duen bandak bost pieza eskainiko ditu, Gabonetako kutsua izango duen emanaldian.
Ikuskizuna hasteko James L. Hosayren ‘A Celtic Christmas’ pieza joko dute, bigarrenik Johann Brahmsen ‘5. eta 6. Hungariako Dantzak’, hirugarrenik Danny Elfmanen ‘Amesgaiztoa Gabonak baino lehen’, laugarrenik John Williamsen ‘Etxean bakarrik’ eta bosgarrenik Michel Carrosen ‘Christmas dance party’.
