ETA KITTO
Gaur arratsaldean, 19:00etan, egingo du Arrate Kultur Elkarteak XXV. Eguen Zuri argazki lehiaketako sari-banaketa, bertara aurkeztutako lanen erakusketa Topalekuan zabaltzearekin batera. Lehiaketaren edizio honetako lehen saria Fernando Retolaza Loidik irabazi du, “Irulegin” izenburuko lanarekin. Bigarren saria, berriz, Bakarne Elejalderen “Taper xex” lanari eman diote, eta hirugarrena Pedro San Romanek eraman du, “Surrandiak” izeneko argazkiarekin. Epaimahaiak lehiakide guztiei beraien partaidetza eskertu nahi die, eta aurkeztutako argazkien gai eta proposamenen barietatea nabarmendu du. Erakusketa apirilaren 23ra arte egongo da ikusgai.