ETA KITTO
Gaur arratsaldean egingo da Javier Gorosabel I. Astronomia Topaketa Eibarren, Coliseo antzokian. Ekitaldia 18:30ean hasiko da, Javier Peraltak, Sevillako Unibertsitateko Fisika Fakultateko irakasle eta 2022 Javier Gorosabel Sariaren irabazleak emango duen ‘Astronomía a la caza de la discontinuidad de Venus’ izenburuko hitzaldiarekin. Eta, horren ostean, Almeriako Calar Alto behatokiarekin zuzeneko konexioa egingo da, publikoarekin batera astronomia-behaketa bat egiteko. Sarrera librea izango da.
Bestalde, topaketari zein sariei izena ematen dien Javier Gorosabel (1969-2015) astrofisikari eibartarrarekin 2012an egin genuen elkarrizketa irakurtzeko, HEMEN SAKATU.