Josu Martinezek, 2019ko Juan San Martin Bekaren irabazleak, ‘Irudiz eta euskaraz’ liburua aurkeztuko du bihar, 19:00etan, Coliseoan. Lanak euskarazko zinemaren historia aztertzen du eta, liburua aurkezteko, egileak Begoña Del Teso kazetari eta zinema-kritikariarekin solasaldia egingo du.
Martinezek joan den astean kaleratu genuen elkarrizketan esan zigunaren arabera, “Del Tesok galderak egingo ditu, nik erantzun, eta solasaldia sortuko da bertan”.