Juan Antonio Palacios argazkilariaren ‘Harria’ erakusketa zabalduko da bihar Portalean

0    Kultura 
ETA KITTO ETA KITTO
Juan Antonio Palacios argazkilariaren ‘Harria’ erakusketa zabalduko da bihar Portalean
ETA KITTO 2018, Abe 13

Juan Antonio Palacios eibartarrak azken urte eta erdian burutu duen argazkilaritza proiektua aurkeztuko du bihar 18:30etan Portaleko erakusketa aretoan. Harriaren eta harri-jasotzaileen inguruko proiektua da ‘Harria’ eta, Portaleko erakusketaz gain, liburua ere argitaratu du argazkiak Juan Manuel Uriaren testuekin lagunduz. Erakusketak zuri-beltzeko 40 irudi jasoko ditu, “horietako batzuk formatu handikoak”, Palaciosen berbetan.

Orain dela 10 urte Arrateko San Isidro jaietan jaio zen proiektu hau egiteko ideia. Hasiera batean herri-kirolen inguruan argazkiak ateratzea zen Palaciosen asmoa, baina harriaren indarrak liluratuta, harri-jasotzean zentratu zen azkenean. 2018an aktibo zeuden harri-jasotzaileak erretratatu ditu eta eurekin harreman estua eduki du harriaren indarra eta harri-jasotzaileen espresioak argazkietan islatzeko.

Gaiarekin zerikusia duten albisteak

« »