Kaotiko eta Buhos talde kataluniarra izango dira Amañako kontzertu nagusian
2023/01/13
11:40
eta kitto!
KAOTIKO Agurainen 1990eko hamarkadaren amaieran sortutako euskal rock-punk musika taldeak 2005ean Calafell-en sortutako BUHOS rock eta mestizaia taldea izango du lagun uztailaren 7an, San Fermin egunean, Amañako Jaien barruko kontzertu nagusian. Eurekin joko du, iazkoari jarraituz, gure herriko Mugi Panderoa taldeak.
Ez dira aipatutakoak Amañan gozatu ahalko diren musika doinu bakarrak, bertan izango direlako asteburu horretan Puro Relajo eta Lisker Eibarko taldea baita ere. Bestalde, Amañako Jai Batzordetik jakinarazi dutenez, Pirritx, Porrotx eta Marimotots ere bueltan izango dira aurten Amañako jaietan.
