Minecraft eta Roblox programen inguruko tailer teknologikoetarako aurre-matrikulazioa gaur zabaldu dute

Eibarko Udalak programazioa lantzeko tailer teknologikoak antolatu ditu Lehen Hezkuntzako 3., 4., 5. eta 6. mailako ikasleentzat. Oraingo honetan Minecraft eta Roblox programa arrakastatsuen 2. edizioa antolatu dute eta aurre-matrikula egiteko epea gaur zabaldu dute (hilaren 30era arte egongo da zabalik) eta derrigorrez egin beharko da internet bitartez, www.eibar.eus/robotika helbidean. Tailerra Portalean burutuko da, 1. solairuan, abenduko zapatuetan eta euskeraz emango dute. Prezioa 20 eurokoa da Eibarren erroldatuta daudenentzat eta 40 eurokoa Eibartik kanpokoentzat.

Egunak eta orduak

Abenduak 5, 12, 19 eta 26

Ordutegiak: 4 txanda egongo dira, bi Minecraft-entzat eta beste bi Roblox-entzat.

Minecraft: LH 3tik 6ra: 10:00etatik 11:30era; 16:00etatik 17:30era

Roblox: LH 3tik 6ra: 12:00etatik 13:30era; 18:00etatik 19:30era