ETA KITTO
Kontzertu bakoitzean proposamen berri bat ekartzeko asmoarekin jarraituz, Eibarko Musika Bandak hemengo eta Soraluzeko musika eskoletako ikasleekin ikuskizuna eskainiko du domekan, hilak 26, 12:30ean, Coliseo antzokian.
Musika Bandak bi pieza joko ditu berak bakarrik (Tom & Jerry eta The Jungle Book) eta beste lau ikasleekin batera (The Marches of John Williams, The Beatles: 1964!, Highlights from Aladdin eta the Best of James Bond).
Sarrera doakoa izango da, baina aldez aurretik eskuratu beharko da Kutxabank bitartez edo Coliseoko leihatilan emanaldia hasi aurretik.