ETA KITTO
Gazteenek zortedun dira asteburu honetan, ohiko pelikula bakarretik bira pasatuko delako Coliseoko karteldegiak zapatutik astelehenera eskainiko dizkigun zine-aukera. Josh Gordon-en “Lilo, mi amigo el cocodrilo” estreinaldia zapatuan 17:00etan eta 19:45ean botako dute 1 Aretoan, eta domekako eta asteleheneko emanaldiak Antzokira aldatuko dituzte: domekan 17:00etan eta 20:00etan eta Ikuslearen Egunean 20:30ean. Umeentzako bigarren filma Mohammad Kneyrandish-en “Izurde mutikoa” da, hori bai ohiko orduetan proiektatuko dena: zapatuan eta domekan, 17:00etako saioetan.
Asteburu honetako helduentzako beste bi pelikulak Oriol Pauloren “Los renglones torcidos de Dios” eta Olivia Newman-en “La chica salvaje” izango dira. Lehenengoa aurreko asteburuan ere eskaini zuten eta oraingoan bakarrik domekan eta astelehenean proiektatuko dute. Hiru saioak 1 Aretoan izango dira, ohiko ordutegian: 17:00etan eta 20:00etan domekan eta 20:30ean Ikuslearen Egunean. Azkenik, “La chica salvaje” pelikula berria 2 Aretoan eskainiko dute, guztira lau saiotan: zapatuan 19:45ean eta 22:30ean, domekan 20:00etan eta astelehenean 20_30ean.
Zapatuan Antzokiko areto nagusian ez da proiekziorik izango, antzerki lan bat aurkeztuko dutelako bertan.