ETA KITTO
Udaleko Kultura Batzordeak aurtengo Aratosteetarako kartela aukeratzeko lehiaketa deitu du eta lanak aurkezteko epea urtarrilaren 20ra artekoa da. Adin guztietako pertsonek daukate lanak aurkezteko aukera, baina ezin izango dute parte hartu aurreko kartel-lehiaketetan (Aratosteak, Sanjuanak, Sanandresak) bost aldiz edo gehiagotan sarituak izan direnak.
Lehiaketan izena emateko eta lanak aurkezteko bideak bi dira: elektronikoki, Udalaren webgunean dagoen izena emateko formularioa beteta (https://formularioak.eibar.eus/eu/kartelakaratosteak2023); formulario elektronikoa betetzeko ez da inolako sinadura elektronikorik behar, ezta ere erabiltzaile eta pasahitzik.; kartela formatu digitalean erantsi beharko da. Eta presentzialki, Pegora Herritarren Zerbitzurako Bulegoan; kartela euskarri gogor baten gainean aurkeztu beharko da; bestalde, itxaronaldiak saihesteko, hitzordua eska daiteke Udal webgunearen bitartez (https://hitzorduak.eibar.eus/pegora/eu) edo 940 70 84 00 telefono zenbakira deituta.