ETA KITTO
Eibarko Udalak eta Euskadiko Liburu Ganbarak antolatuta, barixakuan zabaldu zituen ateak Eibarko Liburu eta Disko Azokak. Urriaren 17ra arte egunero zabalduko dute azoka, asteburuan 12:00etatik 14:00etara eta 17:30etik 20:30era, eta astelehenetik barixakura, berriz, 11:30etik 13:30era eta 17:30etik 20:30era. Betiko moduan, literatura arloko zein musikagintzako lanik berrienak egongo dira salgai, baita aukerako liburuak ere, denak %10eko deskontuarekin. Beste batzuetan bezala, Eibarko Udalaren argitalpenak saltzeko postuarekin batera, urtero etorri ohi diren beste argitaletxeek ipinitako saltokiak egongo dira azokan parte hartzen.