ETA KITTO
Arrate Kultur Elkarteak oinarrizko Photoshop ikastaroa antolatu du, euskeraz. Irakaslea Jose Luis Irigoien, Klub Deportiboko Argazkilaritza Taldeko kidea izango da eta klaseak sei egunetan emango ditu (astelehen eta eguaztenetan, 19:30etik 21:30era, urtarrilaren 14an hasita), Arrate Kultur Elkartean. Ikastaroaren prezioa 30 eurokoa da (25 eurokoa bazkideentzat) eta izena emateko 638284912 telefonora deitu edo arratekultu@gmail.com helbidera idatzi daiteke. Izena emanez gero, ordenagailuan Photoshop, Bridge eta Camera Raw programak izatea komeni dela adierazi dute.
