Aitor Estebanek hitzaldia eskainiko du gaur Eibarko Batzokian
2023/01/12
08:59
eta kitto!
Aitor Esteban EAJ-PNVko bozeramaileak Diputatuen Kongresuan hitzaldia eskainiko du gaur, 19:00etatik aurrera, Ego Gain 1ean dagoen herriko Batzokian “Batzokiko Berbaldiak” ekimenaren barruan. Gaurkoa ekimeneko bigarren ekitaldia izango da, lehenago, uztailean zehazki, German Albistegi eibartarrak beste hitzaldi bat eskaini baitzuen trantsizio energetikoaren inguruan eta enpresetan horrek izango dituen eraginen bueltan. Estebanek “Madril eta euskal erronkak, EAE eta Nafarroaren aldeko lana, Estatuko klima politikoa eta sedizioa, malbersazio delitua eta Konstituzio Auzitegiaren berritzea” bezalako gaiak izango ditu esku artean. Sarrera doanekoa da.
