Aitor Zelaia eta Galder Barbado aske lagatzeko eskatuko dute bihar 12:00etan Untzagan

0    Politika 
ETA KITTO ETA KITTO
Aitor Zelaia eta Galder Barbado aske lagatzeko eskatuko dute bihar 12:00etan Untzagan
ETA KITTO 2021, Ots 05

Aitor Zelaia eta Galder Barbado gazte arabarren askatasuna eskatzeko elkarretaratzea egingo da bihar, 12:00etan Untzagan. Mobilizazioa #AnkerkeriariStop plataformak deitu du, “Ankerkeriari Stop! Aitor eta Galder aske” goiburuari jarraituta. Eibarren bezala, beste herri askotan egingo dira kontzentrazioak.

Lehergaiak egiteko materiala edukitzea leporatuta, launa urteko espetxe zigorra ezarri die Zelaiari eta Barbadori Espainiako Auzitegi Nazionalak. Ernai gazte erakundetik adierazi dutenez, “epaiketa injustua izan da. Argi daukagu Espainian ez dagoela demokraziarik, eta are gutxiago justizia oinarrian daukan estatua. Hori dela eta, gazteok ez dugu onartzen injustizian oinarritutako epaiketa hau, gazteria zirgortzea eta beldurtzea baitu helburu. Eta ozen diogu, ez dugula absoluzioa ez den beste epairik onartuko”.

Gaiarekin zerikusia duten albisteak

« »