Eibarko sozialisten elkartearen 125. urteurrenari buruzko dokumentala aurkeztuko dute gaur arratsaldean
2023/04/20
14:25
eta kitto!
Eibarko Elkarte Sozialista sortu zela 125 urte betetzen dira aurten eta, hori ospatzeko, Eibarko PSE-EEk programazio berezia prestatu du, Ramon Rubial Fundazioarekin batera. Horren baitan, gaur 19:00etan aurkeztuko dute “125 aniversario de la agrupación socialista de Eibar” izenburuko dokumentala, Armeria Eskolako areto nagusian. Herritar guztiei zabalik egingo den emanaldiaren aurkezpena Jon Iraola alkateak egingo du.
