Abian da VI. Gladys Saria: hautagaitzak aurkezteko epea zabalik, ekainaren 1era arte

Abian da VI. Gladys Saria, eta hautagaitzak aurkezteko epea zabalik egongo da ekainaren 1era arte. Ekimenak Puntueus Fundazioa eta Euskal Herriko Unibertsitatea Informatika Fakultatea ditu antolatzaile, Gipuzkoako Foru Aldundia-ren babesarekin.

Sariak ingurune digitalean lanean ari diren emakume gazte euskaldunak aitortzea eta teknologiaren esparruan erreferente berriak sortzea du helburu. Gladys del Estal informatikariaren omenez sortua da, eta haren izenak gizarte digitalaren erronkei aurre egiten dieten emakumeak ikusgai jartzea du xede.

Antolatzaileen arabera, ekimenak gero eta oihartzun handiagoa du eta urtez urte hautagaitza kopurua handitzen ari da. Aurreko edizioetan, besteak beste, Ane Iturzaeta, Olatz Perez de Viñaspre, Amaia Abanda, Lorea Argarate eta Usue Mori saritu dituzte.

Saria 40 urtera arteko emakumeei zuzenduta dago, eta edozein arlotako profil digitalak aurkez daitezke. Epaimahaiak ibilbide profesionala, etorkizuneko proiekzioa eta sektorean inspiratzeko gaitasuna hartuko ditu kontuan. Irabazleak 4.000 euroko saria jasoko du.

Hautagaitzak www.gladyssaria.eus webgunean aurkez daitezke.