Polonia Etxeberria

0    karikaturak 
Ana
Polonia Etxeberria
2017, Api 11

Polonia Etxeberria mapaPolonia Etxeberriari (1865-1947) eskainitako kalea Urki auzoan dago, kalearen goiko aldean. Polonia Etxeberriak bere urte    gehienak irakaskuntzari eskaini zizkion: gutxi izango dira bere eskolan egon ez diren Eibarko adineko emakumeak. Bere familia oso ezaguna zen Eibarren: Aita Jose Cruz Etxeberria zen, “Txantoia”,  bere anaiak edo nebak Bonifazio eta Julian -lehenengoa STAR  lantegiaren fundatzailea, bigarrena Armeria Eskolan urte askoan zuzendari izandakoa. Oso gaztetik izan zuen Poloniak irakaskuntzarako joera. Logroñora joan zen maistra egitera: XIX. mendearen amaieran emakume batek ikasketak egitea ez zen oso arrunta. Eibarren, neskentzako lehenengo eskola sortu zenean,  han jardun zuen Gumersinda Lopez de Gereñu irakaslearen laguntzaile. Sasoi hartan, Eibarren,  bi maistra zeuden: Gumersinda  Lopez de Gereñu eta Petra Ziaran. 1889. urtean, Petra Ziaran hil zenean, Poloniak hartu zituen haren irakaskuntza-ardura guztiak.

Karikatuaren egilea: Ane Lopez (Eibarko Dibujo Eskola).

Gaiarekin zerikusia duten albisteak

« »