Amañako tabernariek Gabonak girotzeko ekitaldiak prestatu dituzte
2016/12/26
eta kitto!
Amesti, Azkena, Gau-Txori, Jan Ta Edan, Lau Bide eta Or-Ondo, Amaña auzoko tabernek, udalaren laguntzarekin, Gabonak direla eta hainbat jarduera berezi prestatu dituzte datozen egunotarako: abenduaren 27an umeendako tailerra eta merienda; abenduaren 28rako ardo-dastaketa (Amesti tabernan); abenduaren 29rako Tor Magoaren ikuskizuna; abenduaren 31n, eguerdian, cava eta kiskillak banatuko dituzte eta arratsaldean, berriz, triki-poteoa egingo da; urtarrilaren 3an garagardo dastaketa egingo da (Azkena tabernan); urtarrilaren 4an "ekitaldi sorpresa" hartuko du Lau Bide tabernak; eta urtarrilaren 5ean, berriz, "magi-poteoarekin" agurtuko dituzte Gabonak.
