Bertsolariek saio bikaina eskaini zuten San Andres Bertso Jaialdian

Bertsolariek  saio  bikaina  eskaini  zuten  San  Andres  Bertso  Jaialdian
25 Aza
4:32

Bertso saio ederra hartu zuen atzo Portaleko areto nagusiak, …eta kitto! Euskara Elkarteak antolatutako San Andres Bertso Jaialdian. Alaia Martin, Andoni Egaña, Miren Amuriza eta Sustrai Colina bertsolariek osatutako kartelak bertsozale ugari erakarri zituen eta aretoa beteta egon zen. Bertsolarien saioa hasi aurretik, aurtengo bertso paper lehiaketako sariak banatu zituzten eta irabazleek euren bertsoak kantatu zituzten.

16 urtetik gorakoen mailan Jesus Mari Gisasola “Trunboi” izan da aurtengo San Andres Bertso Paper lehiaketako irabazlea. Donostian bizi den eibartarrak 300 euro eta txapela jaso zituen.

Bigarren Iñigo Legorburu izan zen. 250 euroko saria eta plaka eman zizkion …eta kitto! Euskara Elkarteak.

Gazteen mailan Eneko Osorok jantzi zuen txapela.

Eta bigarren saria, berriz, Peru Alberdik eraman zuen etxera.

Jon Mikel Mujikak gaiak ematen hasi aurretik, agur bana bota zuten bertsolariek.

Gaiarekin zerikusia duten albisteak

« »