Bihar ailegatuko da Eibarrera LABen karabana ibiltaria

Bihar ailegatuko da Eibarrera LABen karabana ibiltaria
2017/11/16 eta kitto!
LAB sindikatuaren eskutik martxan dagoean "Prekarietatearen Aurkako Karabana Ibiltaria" azaroaren 17an ailegatuko da Eibarrera eta, horren harira, hainbat ekitaldi antolatu dituzte egun horretarako: goizeko 09:30ean prekarietatearen aurkako gidari buruzko tailerra egingo dute Portalean, sindikatuko delegatuendako; 12:30ean, berriz, elkarretaratzea deitu dute Untzagan, “Eibarko ospital berrian, zerbitzuen subkontrataziorik ez!” goiburuari jarraituta; arratsaldeko 17:00etan, gune antiprekarioa zabalduko dute Untzagan, harmailen aldean eta bertan prekarietatearen aurkako materiala egongo da, nahi duenarentzat; eta eguneko egitaraua ixteko, 18:00etan “Pentsioak eta emakumea: duintasunez bizi ala biziraun” izenburuko hitzaldia emango dute Untzagan, gune antiprekarioan. Ekimenari buruzko informazio guztia LAB sindikatuaren web orrian topatuko duzue.

egitaraua