Carlos Espigak irabazi du XL. Aire Zabaleko Pintura Lehiaketako sari nagusia

Eibarko Artisten Elkarteak, Eibarko Udalaren laguntzarekin antolatutako Aire Zabaleko Pintura Lehiaketako sari nagusia Carlos Espiga bilbotarrak eraman zuen domekan. Helduen mailako beste sariak, berriz, Leticia Gaspar, Jokin Telleria eta Piedad Santamaria artistek jaso zituzten, hurrenez hurren. Gazteen artean, berriz, Miren Ereña eta Anne Pascual nagusitu ziren 13-18 urte bitartekoen mailan eta 12 urtetik beherakoen artean, berriz, Alora Goitandia eta Amaia Basterrika saritu zituzten. Aurten 40. edizioa bete duen lehiaketan 52 lagunek hartu zuten parte.