Hauteskunde egunari jarraipena interneten #m24eibar

Domekarako, maiatzaren 24rako deituta dauden Udal eta Batzar Nagusietarako hauteskundeak dirala eta, …eta kitto!-k jarraipen berezia egingo dio egunari goizean goizetik hasi eta gauera bitartean, astelehen goizean kiosko eta bestelako establezimentuetan doan banatuko den Hauteskundeetako Ale Berezian jasotzeko. Bien bitartean, domekan bertan interneten, etakitto.eus webgunean hauteskundeekin lotutako informazioa eguneratzen joango gara. Twitterren, @etakitto gure kontuan ere gertatzen denaren berri ematen joango gara #m24eibar traola erabilita. Bestalde, azken hauteskundeetan izandako emaitzak kontsultatzea nahi izanez gero, gogoratu gure webgunean, Hauteskundeak azpiatalean ale berezien PDF-ak aurkituko dituzuela.