Slide eta Painapple taldeek kontzertua emango dute bihar Ez Dok Zai-zoi tabernan

Kontzertu bikoitza antolatu dute biharko Ez Dok Zai-zoi tabernan: 19:00etatik aurrera Slide eta Painapple taldeak arituko dira zuzenean, eta sarrera doan da. Bi taldeak aurretik ere aritu dira gure herrian, besteak beste iazko ekainean egin zen Izengabeak lehiaketan, eta biek lortu zuten saria. Slide funk&soul taldea da. Gitarrista eta musikagile onenen artean dagoen Chuma Segurak gidatzen du, eta bederatzi partaide ditu. Eta Painapple Eibar, Ermua eta inguruko musikariek osatzen dute: Katarine Berrueta, Asier Cascan, Andoni Conde, Gorka Martinez de Lagos eta Josu Cascan dira taldekideak eta pop-punk estiloko musika egiten dute.