Xalaren agurra Astelenan pilota profesionalari

Hamasei denboraldi egin eta gero, Lekuineko aurrelariak Asperekin azken partidua jokatuko du domekan Katedralean. Martija debutaria lagun duela, Jaunarena-Cecilio bikoteari egingo dio aurre jaialdiko lehen partiduan. Partidu nagusian, bestalde, Bengoetxea VI.a/Untoria eta Mtz. de Irujo/Rezusta bikoteen arteko binakako txapelketako partidua jokatuko da. Foballean Eibarrek Balaidosen jokatuko du bihar gauean (22:05ean, TVE1-ek irekian eskainita) eta emakumezkoen 2. mailako partiduan, Eibarrek San Ignacio hartuko du Unben etzi eguerdian (12:30). Areto-foballean Debabarrenak Ebrosala hartuko du domekan ordu berean. Eskubaloian Somos Eibar Eskubaloia Usurbilera joango da bihar arratsaldeko partidua jokatzera eta, Emakumezkoen Euskadiko Txapelketan, Avia Eibar Eskubaloiak Leizaran hartuko du Ipuruan 17:30ean. Errugbian Avia Rugby Taldeak Bera Beraren bisita jasoko du bihar 17:00etan eta emakumezkoen Ez Dok Eibar Rugby-k La Unicaren zelaian jokatuko du etzi 11:30ean. Saskibaloian Katu Kale Donostira joango da Alde Zaharra B-ri aurre egitera domeka eguerdian. Waterpoloan Urbat-ek CDW Navarra hartuko du bihar 14:30ean Orbean Euskal Herriko Ligaren partiduan. Eta xakean Klub Deportiboko lehen taldeak Fomento liderra bisitatuko du bihar arratsaldean. Informazio gehiagorako ASTEBURUKO AGENDAra jo dezakezue.